كــــــــــلام مـــــــــن القلــــــــــــــــب

ايه رأيكم فى أحوال المسلمين دلوقت عجباكم ؟؟؟؟؟ طب تفتكر فيه فايدة و لا مصر أن ما فيش أمل؟ طب اسألك كام سؤال و معلش ما تضايقش منى؟ لو كنت موجود فى موقف سيدنا موسى لما قال فرعون للسحرة أنه هيعذبهم لو آمنوا برب سيدنا موسى كنت هتعمل إيه؟ لأ طبعا هقول إنى مؤمن بالله و مش هيهمنى فرعون و لا غيره ده الواحد معاه ربنا يخاف من إنسان. ينفع إنى أكتم إيمانى و ربنا قال أنى ممكن اآمن بيه و معلنش للناس بس المؤمن القوى خير و أحب لله من المؤمن الضعيف و فى كل خير. لو كنت مع الرسول عليه الصلاة و السلام فى غزوة أحد و لقيت الكفار تكاتلوا على الرسول (صلى الله عليه وسلم) و العدد بيقل من حواليه طب و بعدين هتعمل إيه؟ بتحبه قوى لدرجة تضحى بروحك عشانه و تنسى كل حاجة تانى؟ الموقف أصعب من مقدرتى و دى حاجة مش بإيدى دى الرهبة اللى بتحكم تصرفات الإنسان طب آخر سؤال معلش لو كنت من المسلمين الأوائل اللى كانوا بيتعذبوا و يتحاربوا من أهلهم و من كل الناس زى ما بنشوف كده فى فيلم الشيماء و فجر الإسلام هتعمل إيه بقى يا ترى؟؟؟؟

1)هعمل زى ما بيعملوا فى الفيلم و أفضل أتعذب و أقول أحدٌ أحد لن أصبأ ابدا
2)هعمل زى حنظلة اللى زالت عنه رائحته و أعمل اللى أقدر عليه فى السر و أبقى خدمت الإسلام أكتر
3)متهيألى أنى صعب شوية أنى أستغنى عن مالى و عزى و ملكى و أعادى أهلى و كمان أرفض أنى أعبد حاجة الناس كلها بتعبد غيرها من زمان

يا ترى كلكم أخدتكم الحماسة زيى و قلتوا أن إجباتكم كلها رقم واحد أسمحولى أقول إن كتير مننا مش صادق مع نفسة معلش بس لو كان ده صح كنت قدرنا تبطل نميمة أونصلى الصلاة فى ميعادها أو البنات تتقى الله فى لبسها و الولاد تغض البصر,,,, كام كورس أخدت إنجليزى؟ كمبيوتر؟و نفسك فى كورسات تانى؟ طب أخدت كورس تجويد لمدة أسبوع واحد؟ فكرت تحفظ كل يوم 3 آيات بس و تقدر تخلص القرآن فى خمس سنين بس عرفت تقرأ لغات لكن عرفت تقرأ كتاب الله؟ فعودوا إلى الله بصدق وإخلاص وأعلموا انما الدنيا فناء . وسيجازى كل شخص بما عمل
منقوووووول
الكلام دا أنا بقولة لنفسى وليكم وأتمنى إنة يكون لة تأثير إيجابى فعلا ونحاول
نتغير كلنا للأفضل والله المستعان
اللهم إجعلنى خيرا مما يظنون ولا تؤاخذنى بما يقولون واغفر لى ما
لا يعلمون